“ყოველ მეორე ადამიანს სჯერა, რომ ოჯახში ბოლო სიტყვა კაცს ეკუთვნის და ბავშვზე ზრუნვა უფრო დედის პასუხისმგებლობაა, ვიდრე მამის.
მოსახლეობის უმრავლესობა ეთანხმება აზრს, რომ თუკი ბავშვი ავად გახდება, მის მოსავლელად სამსახურიდან დასვენების დღე დედამ უნდა აიღოს და არა მამამ” – ეს არის მცირე ამონარიდი კვლევიდან, რომელიც საქართველოში 2024 წელს, გაეროს ქალთა ორგანიზაციის დაკვეთით ჩატარდა.
დოკუმენტი შეისწავლის რამდენადაა გავრცელებული საქართველოში ის გენდერული სტერეოტიპები, რომელიც ქვეყანაში გენდერულ უთანასწორობას უწყობს ხელს. ამ თემაზე ევრონიუს ჯორჯიას ეთერში გაეროს ქალთა ორგანიზაციის კვლევისა და მონაცემთა ანალიტიკოსმა, ნათია მესტვირიშვილმა ისაუბრა.
