21 მარტი ტყის საერთაშორისო დღედ გაეროს გენერალურმა ასამბლეამ 1971 წელს აღიარა. ამ დღის აღნიშვნის მიზანი ტყის მნიშვნელობის შესახებ საზოგადოების ცნობიერების ამაღლებაა.
ეროვნულ სატყეო სააგენტოში ამბობენ, რომ საქართველოს ტყეები ქვეყნისთვის განსაკუთრებული ფასეულობის მქონე ბუნებრივი რესურსია. უწყების ცნობით ტყეები საქართველოს ტერიტორიის 44,5%-ს მოიცავს და მას უდიდესი ეროვნული, რეგიონული და გლობალური მნიშვნელობა აქვს.
ამ თემაზე ევრონიუს ჯორჯიას ეთერში ეროვნული სატყეო სააგენტოს უფროსის მრჩეველმა, მარინა სუჯაშვილმა ისაუბრა.
