უკრაინის ქალაქ ჩერნიჰივზე რუსული დრონის თავდასხმის შედეგად მრავალსართულიანი შენობის ორი სართული ნაწილობრივ განადგურდა.
შემთხვევა შაბათს, 15 მარტს მოხდა. თავდასხმის შედეგად არავინ დაღუპულა, თუმცა დაშავდა ერთი ადამიანი.
თავდასხმა მოჰყვა აშშ-ის მცდელობას კიევი და მოსკოვი ცეცხლის 30 დღით შეწყვეტაზე დაითანხმოს.
პარალელურად, საკადრო ცვლილებებია უკრაინის შეიარაღებული ძალების გენერალურ შტაბში. კერძოდ, შტაბის ახალ ხელმძღვანელად გენერალ-მაიორი ანდრი გნატოვი დაინიშნება.
ინფორმაციას უკრაინის პრეზიდენტის საიტი ავრცელებს. ის ჩაანაცვლებს ანატოლი ბარგიელევიჩს, რომელიც უკრაინის თავდაცვის სამინისტროს გენერალური ინსპექტორის პოზიციაზე გადაინაცვლებს და არმიაში მიმდინარე რეფორმებს გააკონტროლებს.
