თბილისში მომხმარებლის დაცვის III საერთაშორისო კვირეული იმართება. ღონისძიება 10 მარტს თბილისში გაიხსნა და 15 მარტს ბათუმში დასრულდება.
პანელური დისკუსიის ფორმატში ექვსი მარეგულირებელი უწყების წარმომადგენლები დეტალურად მიმოიხილავენ მომხმარებლისთვის მნიშვნელოვან და საჭირო ინფორმაციას, კერძოდ, თუ როგორ უნდა დაიცვას მომხმარებელმა საკუთარი უფლებები, დარღვევის შემთხვევაში ვის მიმართოს და რა ფორმით. ამ თემაზე ევრონიუს ჯორჯიას ეთერში კონკურენციის ეროვნული სააგენტოს თავმჯდომარემ ირაკლი ლექვინაძემ ისაუბრა.
