უკრაინის გენერალური შტაბი ავრცელებს ინფორმაციას, რომლის თანახმადაც კურსკის ოლქში, ქალაქ სუჯაში რუსეთის სამხედრო ძალები თავს დაესხნენ უკრაინულ ჯარებს.
რუსულმა ძალებმა გამოიყენეს დაახლოებით ერთ-ნახევარი მეტრი სიგანის უმოქმედო გაზსადენი, რომლითაც ბოლო დრომდე რუსეთი ევროპას ბუნებრივ აირს აწვდიდა.
კრემლის მომხრე ბლოგერები „ტელეგრამზე“ აცხადებენ, რომ ჯარისკაცებმა გაზსადენით დაახლოებით 15 კილომეტრი გაიარეს და თავდასხმამდე აქ რამდენიმე დღეც გაატარეს. ბლოგერები ამტკიცებენ, რომ ამ გზით რუსმა სამხედროებმა ქალაქში შეაღწიეს.
უკრაინის გენერალურმა შტაბმა განაცხადა, რომ დივერსიული ჯგუფები „დროულად აღმოაჩინეს“ და მათ რაკეტებითა და არტილერიით უპასუხეს. გენერალური შტაბის თქმით, სუჯაში მტრის დანაკარგები ძალიან დიდია.
Russian forces intensified their multi-directional campaign to eliminate the remaining Ukrainian salient in Kursk Oblast on March 7 and 8. ⬇️
Geolocated footage published on March 8 indicates that Russian forces recently seized Cherkasskoye Porechnoye (north of Sudzha). Russian… https://t.co/ppY7i86IYY pic.twitter.com/CgP9hSRorw
— Institute for the Study of War (@TheStudyofWar) March 9, 2025
რუსულმა ძალებმა გააძლიერეს თავიანთი კამპანია კურსკის ოლქიდან უკრაინელების განსადევნად. “ომის შემსწავლელი ინსტიტუტის” ინფორმაციით, რუსეთი ანადგურებს ხიდებს საერთაშორისო საზღვრების გასწვრივ, რათა ხელი შეუშალოს უკრაინის სამხედრო ძალებს კურსკის ოლქიდან უკრაინაში უკან დასახევად.
