ირანის, რუსეთისა და ჩინეთის საზღვაო ძალები ერთობლივ სამხედრო წვრთნებს იწყებენ. ირანული მედიის ცნობით, მანევრები თანამშრომლობის გაღრმავებას ემსახურება.
ეს პირველი შემთხვევა არაა, როდესაც სამი ქვეყანა ერთობლივ სამხედრო მანევრებს მართავს. მათი გაცხადებული საგარეო პოლიტიკა კი “აშშ-ის ჰეგემონიასთან” დაპირისპირებას გულისხმობს.
წვრთნები ინდოეთის ოკეანის ჩრდილოეთ ნაწილში გაიმართება და მიზნად ისახავს “რეგიონში უსაფრთხოების განმტკიცებას და მონაწილე ქვეყნებს შორის მრავალმხრივი თანამშრომლობის გაფართოებას”.
წვრთნებში დამკვირვებლების სახით მონაწილეობას მიიღებენ აზერბაიჯანი, სამხრეთ აფრიკა, ომანი, ყაზახეთი, პაკისტანი, კატარი, ერაყი, არაბთა გაერთიანებული საამიროები და შრი-ლანკა.
