რუსულმა არმიამ უკრაინის ქალაქ დობროპილიაზე საჰაერო იერიში მიიტანა. იერიშის შედეგად დაიღუპა 11 მშვიდობიანი მოქალაქე, 30-ზე მეტი კი დაშავდა.
უკრაინის საგანგებო სიტუაციების მართვის სამსახურის ინფორმაციით, საჰაერო იერიშის შედეგად რვა ხუთსართულიან კორპუსსა და ადმინისტრაციულ შენობას ცეცხლი გაუჩნდა. ადგილზე სამაშველო სამუშაოები მიმდინარეობს.
Last night, the Russian army struck the center of Dobropillya in the Donetsk region with two ballistic missiles. After our emergency services arrived at the scene, they launched another strike, deliberately targeting the rescuers. This is a vile and inhumane intimidation tactic… pic.twitter.com/IR6D4NOCTT
— Volodymyr Zelenskyy / Володимир Зеленський (@ZelenskyyUa) March 8, 2025
მომხდართან დაკავშირებით, პლატფორმა X-ზე დაწერა უკრაინის პრეზიდენტმა ვოლოდიმირ ზელენსკიმ. მისი განცხადებით, ადგილზე სამაშველო სამსახურების მისვლის შემდეგ რუსმა სამხედროებმა კიდევ ერთი იერიში მიიტანეს.
ვოლოდიმირ ზელენსკი იმასაც წერს, რომ რუსმა სამხედროებმა სამაშველო სამსახურების წინააღმდეგ მიზანმიმართულად ისროლეს. უკრაინის პრეზიდენტი აცხადებს, რომ ეს რუსეთის ჩვეული ტაქტიკაა.
ასევე უკრაინული მედიის ინფორმაციით, რუსულმა ძალებმა ღამით ხარკივის ოლქში მდებარე საწარმოს დაარტყეს, რის შედეგადაც, ერთი მშვიდობიანი მოქალაქე დაიღუპა და შვიდი დაშავდა.
