დონალდ ტრამპი სანქციებით ამჯერად რუსეთს ემუქრება. სოციალურ ქსელში წერს, რომ განიხილავს, ფართომასშტაბიანი სანქციები დაუწესოს რუსეთს.
„იმ ფაქტზე დაყრდნობით, რომ რუსეთი ახლაც აგრძელებს იერიშებს უკრაინის ფრონტის ხაზზე, მე სერიოზულად განვიხილავ ფართომასშტაბიანი სანქციებისა, მათ შორის საბანკო სანქციების და ტარიფების დაწესებას რუსეთისთვის მანამ, სანამ არ შეწყდება ცეცხლი და საბოლოოდ არ მიიღწევა სამშვიდობო შეთანხმება”.
ამასთან, ტრამპი მოუწოდებს კიევსა და მოსკოვს, მოლაპარაკებები სასწრაფოდ დაიწყონ.
„მივმართავ რუსეთსა და უკრაინას, ახლავე დასხედით მოლაპარაკების მაგიდასთან, სანამ ძალიან გვიან არ არის. გმადლობთ!!!” – დაწერა დონალდ ტრამპმა.
