აშშ-ის სენატმა გამოძიების ფედერალური ბიუროს დირექტორის თანამდებობაზე კაშ პატელი დაამტკიცა.
მის კანდიდატურას მხარი დაუჭირა 51-მა, ხოლო 49-მ, მათ შორის ორმა რესპუბლიკელმა სენატორმა, წინააღმდეგ მისცა ხმა.
კაშ პატელი აშშ-ის პრეზიდენტის დონალდ ტრამპის მტკიცე მოკავშირეა.
მისი კანდიდატურის წარდგენამ დიდი შეშფოთება გამოიწვია იმის გამო, რომ წინამორბედისგან განსხვავებით, მას არ აქვს მართვის დიდი გამოცდილება.
პატელი FBI-ში რადიკალური ცვლილებების მომხრეა და წარსულში აკრიტიკებდა იმ საგამოძიებო ბიუროს შექმნას, რომელიც დონალდ ტრამპსა და რუსეთს შორის კავშირებს იძიებდა.
