Reuters-ის ცნობით, დონალდ ტრამპის ადმინისტრაცია შესაძლოა, კიევთან იშვიათი მინერალების შესახებ „გამარტივებული“ შეთანხმების დადებას შეეცადოს.
სააგენტო ამ ინფორმაციას ორ სხვადასხვა წყაროზე დაყრდნობით ავრცელებს. დოკუმენტის „გამარტივებულ“ ვერსიაში წარმოდგენილი არ იქნება კონკრეტული დეტალები.
Reuters-ის ცნობით, შეთანხმების კონკრეტული პირობები შემდგომი მოლაპარაკებების შედეგად განისაზღვრება.
გასულ კვირაში უკრაინის პრეზიდენტი, ვოლოდიმირ ზელენსკი ამერიკის შეერთებული შტატების წინადადებას, რომლის მიხედვითაც უკრაინისთვის გაცემული სამხედრო დახმარების სანაცვლოდ, ვაშინგტონი უკრაინის იშვიათი წიაღისეულის 50%-ს მიიღებდა, არ დათანხმდა. მან განაცხადა, რომ შეთავაზება ამერიკის შეერთებული შტატების ინტერესებზე იყო ორიენტირებული და მკაფიო პუნქტებს უკრაინის უსაფრთხოების გარანტიებთან დაკავშირებით არ მოიცავდა.
