დღეს მთელი მსოფლიოს ყურადღება მიმართულია რუსეთის ომზე უკრაინაში და ამ კონტექსტში აშშ-ის პრეზიდენტის, დონალდ ტრამპის განცხადებებზე.
ტრამპმა მკვეთრად გააკრიტიკა უკრაინის პრეზიდენტი, ვოლოდიმირ ზელენსკი და, ფაქტობრივად, უკრაინას დასდო ბრალი ომის დაწყებაში. ამასთან, მისივე მტკიცებით, ზელენსკის მოსახლეობის 4%-იანი მხარდაჭერა აქვს და უკრაინაში ახალი არჩევნების ჩატარებაა მიზანშეწონილი. ეს მოთხოვნა აქვს მოსკოვსაც.
რას ნიშნავს და რით იხსნება დონალდ ტრამპის ბოლოდროინდელი რიტორიკა და რა გზავნილია ეს ევროპისთვის – ამ თემებზე ევრონიუს ჯორჯიას ეთერში პოლიტიკის მეცნიერებათა დოქტორმა, გიორგი ხატიაშვილმა ისაუბრა.
