ევროპელი ლიდერები სულ უფრო აქტიურად საუბრობენ იმაზე, რომ ევროპა მზად უნდა იყოს პოტენციური ომისთვის. მათივე განცხადებით, ომის თავიდან აცილების ერთადერთი გზა შეიარაღებული კონფლიქტისთვის სრული მზადყოფნაა.
რა გეოპოლიტიკურ პროცესებს ვადევნებთ თვალს, რა გავლენა ექნება ამ ცვლილებებს მსოფლიოს სხვადასხვა ქვეყნის უსაფრთხოებასა და მომავალზე და რა ფორმა შეიძლება მიიღოს ევროატლანტიკურმა ურთიერთობებმა – ამ თემებზე „ევრონიუს ჯორჯიას” ეთერში საერთაშორისო ურთიერთობების სპეციალისტმა თორნიკე შარაშენიძემ ისაუბრა.
