კვირას, 2 თებერვალს აშშ-ის სახელმწიფო მდივანი, მარკო რუბიო პანამაში პანამის პრეზიდენტს, ხოსე რაულ მულინოს შეხვდა.
განხილვის მთავარი თემა იყო პანამის არხი, რომელსაც აშშ-ის პრეზიდენტის, დონალდ ტრამპის ადმინისტრაციის თქმით, ჩინეთი მართავს.
მარკო რუბიო განმარტავს, რომ ჰონგ–კონგში დაფუძნებული კომპანია, რომელიც არხის შესასვლელთან ოპერირებს, ვაშინგტონისთვის საფრთხეა და ამერიკასა და პანამას შორის შეთანხმების აშკარა დარღვევაა.
მანამდე დონალდ ტრამპმა ჟურნალისტებთან განაცხადა, რომ ამ შეთანხმების დარღვევას საპასუხოდ შესაძლოა “ბევრი ცუდი” რამ მოჰყვეს ან ვაშინგტონმა პანამის არხი დაიბრუნოს.
პანამის პრეზიდენტმა განაცხადა, რომ მათთვის ვაშინგტონთან თანამშრომლობა მნიშვნელოვანია და მზად არიან გადახედონ ჩინეთთან აბრეშუმის გზის პროექტზე მუშაობის გაგრძელების საკითხს, თუმცა პანამის არხის შეერთებული შტატებისთვის გადაცემის შესახებ დისკუსიას არ აპირებენ.
