„ვალის/სესხის აღების პრაქტიკის კვლევა საქართველოში“ – ამ სახელწოდების კვლევა ჩაატარა პლატფორმა „კომენტარმა“ სოციალური კვლევისა და ანალიზის ინსტიტუტთან თანამშრომლობით.
დოკუმენტში შესწავლილია 11 რეგიონში მცხოვრები 1200 ოჯახის ფინანსური მდგომარეობა და გაანალიზებულია ვალების დაგროვების ტენდენციები. კვლევის მთავარი მიზანი იყო, განესაზღვრა სესხების გავრცელების დინამიკა და მათი გავლენა ოჯახების ეკონომიკურ და სოციალურ მდგომარეობაზე. ამ თემაზე ევრონიუს ჯორჯიას ეთერში პლატფორმა „კომენტარის” სოციალური პოლიტიკის მიმართულების რედაქტორმა მერაბ ქართველიშვილმა ისაუბრა.
