გამოცემა „ბათუმელების“ დამფუძნებელს ბრალი ოფიციალურად წარუდგინეს. 24 საათის განმავლობაში უნდა დაინიშნოს პირველი სასამართლო სხდომა, სადაც მოსამართლე მისთვის აღმკვეთი ღონისძიების ფორმას განსაზღვრავს.
საქმის მასალებში დევს 3 პოლიციელის ჩვენება და დანიშნულია სამედიცინო ექსპერტიზა იმის შესახებ, ხომ არ მიაყენა რომელიმე პოლიციელს დაზიანება ავტორიტეტიანი გამოცემის ხელმძღვანელმა.
მზია ამაღლობელი ჯერ დუმილის უფლებას იყენებს. მან სახალხო დამცველის წარმომადგენელსა და ადვოკატებს უთხრა, რომ დაკავებისას პოლიციელები არასათანადოდ ეპყრობოდნენ. საქმეში ჩართულია სპეციალური საგამოძიებო სამსახურიც.
ევრონიუს ჯორჯიას ეთერში მზია ამაღლობელის ადვოკატმა, „საქართველოს ახალგაზრდა იურისტთა ასოციაციის” იურისტმა ჯუბა ქათამაძემ ისაუბრა.
