უკრაინის უშიშროების სამსახურის წარმომადგენლის თქმით, კურსკში ორი ჩრდილოეთკორეელი ჯარისკაცის დაკავება ფხენიანის ომში მონაწილეობის უდავო მტკიცებულებაა.
ჯარისკაცები დაკითხვაზე კიევში გააგზავნეს.
In addition to the first captured soldiers from North Korea, there will undoubtedly be more. It’s only a matter of time before our troops manage to capture others. There should be no doubt left in the world that the Russian army is dependent on military assistance from North… pic.twitter.com/4RyCfUoHoC
— Volodymyr Zelenskyy / Володимир Зеленський (@ZelenskyyUa) January 12, 2025
არტემ დეხტიარენკოს თქმით, ერთ-ერთ მამაკაცს თან ჰქონდა რუსული სამხედრო პირადობის მოწმობა, რომელიც გაცემული იყო სხვა პირის სახელზე.
გავრცელებულ ვიდეოკადრებში ჩანს, რომ დაპატიმრებულია ორი მამაკაცი.
ჩრდილოეთკორეელი ჯარისკაცების დაკავება დაადასტურა უკრაინის პრეზიდენტმა ვოლოდიმირ ზელენსკიმაც. მათ უკვე დაკითხეს დაკავებულები კორეელი თარჯიმნების დახმარებით.
ზელენსკის თქმით, ჩრდილოეთკორეელი ჯარისკაცების უკრაინის ბრძოლის ველზე ყოფნა იმის დასტურია, რომ რუსეთი ყველაფერს აკეთებს ვითარების ესკალაციისა და ომის გასახანგრძლივებლად.
ჯარისკაცების დაპატიმრებასთან დაკავშირებით ფხენიანს კომენტარი არ გაუკეთებია.
