საიას აჭარის ფილიალის ხელმძღვანელი საუბრობს ბათუმში დაკავებული პირების შესახებ. თამარ წულუკიძის განმარტებით, მათი უმრავლესობა მიუთითებს პოლიციელების მხრიდან არასათანადო მოპყრობასა და უფლებამოსილების გადამეტებაზე.
იურისტი აცხადებს, რომ მათ ნაწილს დაკავებისას არ განემარტა თავისუფლების აღკვეთის მიზეზი და მუხლი, რის საფუძველზე აკავებდნენ საპროტესტო აქციაზე მისულ მოქალაქეებს.
თამარ წულუკიძის აზრით, უმრავლეს შემთხვევაში საპოლიციო ძალები ისე აკავებენ დემონსტრანტებს, რომ არ არსებობს სამართალდარღვევის ფაქტები.
„საქართველოს ახალგაზრდა იურისტთა ასოციაცია” იცავს „ბათუმელების“ დამფუძნებლის, მზია ამაღლობელის, უფლებებს.
