მონტენეგროში ათასობით ადამიანმა საპროტესტო აქცია გამართა და პოლიციის მაღალჩინოსნების თანამდებობის პირების გადადგომა მოითხოვა. ქვეყანაში პროტესტი მას შემდეგ დაიწყო, რაც ახალ წელს მასობრივი სროლის შედეგად 12 ადამიანი დაიღუპა.
მომიტინგეებმა საპროტესტო აქცია ქალაქ ცეტინიეში გამართეს. მოსახლეობა მიიჩნევს, რომ სამართალდამცველები სათანადოდ არ მუშაობენ.
ახალი წლის დღეებში სროლა, ბარში ჩხუბის შემდეგ დაიწყო. 45 წლის ადგილობრივი მამაკაცი იარაღის ასაღებად სახლში წავიდა, შემდეგ ბარში დაბრუნდა და ცეცხლი გახსნა.
მან ოთხი ადამიანი ადგილზე მოკლა, რვა სხვადასხვა ადგილზე, ბოლოს კი თავი მოიკლა.
პოლიციამ განაცხადა, რომ ამ შემთხვევაში სროლის პროგნოზირება შეუძლებელი იყო, თუმცა შეიარაღებული პირი, რომელიც იდენტიფიცირებულია როგორც აკო მარტინოვიჩი, წარსულში ნასამართლევი იყო ძალადობრივი ქცევისა და იარაღის უკანონო შენახვისთვის.
Mourning with Montenegro 🇲🇪
We honour the tragic loss of 12 lives, including 2 innocent children, in the shocking shooting incident in #Cetinje. My heart goes out to their families & loved ones during this time of profound sorrow. Access to #MentalHealth support for grieving… pic.twitter.com/EKhz97EN3K
— Hans Kluge (@hans_kluge) January 3, 2025
მონტენეგროს ხელისუფლება უკვე მუშაობს ახალ კანონზე, რომელიც მკაცრი ზომების მიღებას ითვალისწინებს იარაღის უკანონო შენახვასთან დაკავშირებით.
მონტენეგროში ჩატარებული ოპერაციის შედეგად, ამოღებულია 20 იარაღი, 500-ზე მეტი ვაზნა, საბრძოლო მასალა და ასაფეთქებელი ნივთიერება.
მონტენეგროს პრემიერ-მინისტრი მილოიკო სპაიჩიმ პირობა დადო, რომ დასჯის ყველას, ვინც ახალ კანონებს არ დაემორჩილება.
