გუშინ, 12 დეკემბერს ისრაელმა ღაზის სექტორზე მიიტანა საჰაერო იერიში. დაიჭრა ათობით პალესტინელი, 25 კი დაიღუპა.
ორი საავადმყოფოს ოფიციალურმა წარმომადგენლებმა განაცხადეს, რომ მათ დაწესებულებაში გადაასვენეს იმ დაღუპულთა ცხედრები, რომლებიც ნუსეირათის ლტოლვილთა ბანაკზე მიტანილ საჰაერო იერიშს ემსხვერპლნენ.
პალესტინელი ექიმების თქმით, ორივე საავადმყოფოში 40 ბავშვი მკურნალობს.
საჰაერო თავდასხმის შედეგად დაზიანდა საცხოვრებელი შენობები. იერიში მას შემდეგ განხორციელდა, რაც რამდენიმე საათით ადრე ჯეიკ სალივანმა, ეროვნული უსაფრთხოების საკითხებში თეთრი სახლის მრჩეველმა, ისრაელსა და „ჰამასს“ შორის ცეცხლის შეწყვეტასთან დაკავშირებით დამაიმედებელი განცხადება გააკეთა.
Our latest on the situation in the📍 #GazaStrip and the📍 #WestBank
🔹 Israeli Forces continue aerial, land, and maritime bombardments across #Gaza
🔹On 4 December, 5,500 more people were forcibly displaced from Beit Lahiya to Gaza City
🔹 UNRWA has provided over half of the… pic.twitter.com/aBgzwa4stE— UNRWA (@UNRWA) December 12, 2024
ისრაელი მიზნად ისახავს, გაანადგუროს „ჰამასი“, რომელიც 2023 წლის ოქტომბერში ისრაელს თავს დაესხა, რის შედეგადაც 1200 ადამიანი დაიღუპა, 250 ადამიანი კი მძევლად აიყვანეს. ღაზის ჯანდაცვის სამინისტრო კი აცხადებს, რომ ღაზაში ისრაელის თავდასხმებს 44 800 პალესტინელი შეეწირა.
