აღმოსავლეთ ესპანეთს დამანგრეველი წყალდიდობა დაატყდა თავს, დაიღუპა 200-ზე მეტი ადამიანი. ამ დრომდე გრძელდება გაწმენდითი სამუშაოები, რომლებშიც ჩართული არიან მოქალაქეები, მოხალისეები ჯარისკაცები და პოლიციელები.
ვალენსიასთან ახლოს მდებარე ქალაქ ალდაიაში მოხალისეებმა მოაწყვეს საკვების განაწილებისა და სამედიცინო პუნქტები. ბევრი მოქალაქე თვლის, რომ ხელისუფლება მათ დასახმარებლად არაფერს აკეთებს.
ალდაიის მცხოვრები ანა ისაბელ სომენო ამბობს, რომ ქუჩა სავსე იყო ტალახითა და ერთმანეთზე მიწყობილი მანქანებით. აქაურობა თავად ამ ქუჩის მცხოვრებლებმა გაწმინდეს. მათ მაგიდაც გაშალეს და მოხალისეებს ყავასაც სთავაზობდნენ.
ესპანეთში არ არის უჩვეულო საგაზაფხულო შტორმები, რომლებმაც, შესაძლოა, წყალდიდობაც გამოიწვიოს. თუმცა ბოლოს განვითარებულმა მოვლენებმა ყოველგვარ მოლოდინს გადააჭარბა.
ვალენსიაში ვითარება ჯერ კიდევ უკიდურესად მძიმეა.
რკინიგზის 90-კილომეტრიანი მონაკვეთი თითქმის სრულად განადგურებულია და შესაძლოა თვეები დასჭირდეს, სანამ ადგილობრივები ჩვეულ ცხოვრებას დაუბრუნდებიან.
