პრემიერ-მინისტრმა დონალდ ტუსკმა 14 ოქტომბერს განაცხადა, რომ ე.წ. “აღმოსავლეთის ფარის” მშენებლობა, რომელიც მომავალ წელს იყო დაგეგმილი, წელს დაიწყება.
პროექტით გათვალისწინებულია სამხედრო ფორტიფიკაციებისა და სხვა თავდაცვითი ზომების გაზრდა და გაძლიერება პოლონეთის აღმოსავლეთის საზღვრის დაახლოებით 800-კილომეტრიან მონაკვეთზე. როგორც ვარაუდობენ, სამშენებლო სამუშაოებს ოთხი წელი დასჭირდება.
Naszym prawem i naszym obowiązkiem jest ochrona polskiej i europejskiej granicy. Jej bezpieczeństwo nie będzie przedmiotem negocjacji. Z nikim. Jest zadaniem do wykonania. I mój rząd to zadanie wykona.
— Donald Tusk (@donaldtusk) October 14, 2024
ტუსკი იმყოფებოდა ერთ-ერთ საწვრთნელ ბაზაზე, სადაც პროექტის ახალი თავდაცვითი ინფრასტრუქტურის გარკვეული ელემენტების გამოცდა მიმდინარეობდა.
პოლონეთის პრემიერ-მინისტრმა დონალდ ტუსკმა განაცხადა, რომ „აღმოსავლეთის ფარის“ განხორციელება უკვე დაიწყო. მისი თქმით, ეს მხოლოდ პოლონური პროექტი არ არის, ის ეხება ბალტიის თავდაცვის ხაზსაც, მასში ჩართული არიან ბალტიის ქვეყნები და ასევე ფინეთი.
დონალდ ტუსკი ახლო მომავალში გეგმავს, პროექტის დაფინანასებასთან დაკავშირებით ბრიუსელში მოლაპარაკებები გამართოს.
