ნიუ ვიჟენ უნივერსიტეტი 11 წლის გახდა. ამასთან დაკავშირებით, 11 ოქტომბერს საზეიმო ღონისძიება გაიმართა. ამავე დღეს კურსდამთავრებულებს დიპლომებიც გადასცეს.
უნივერსიტეტის ხელმძღვანელები ამბობენ, რომ დაჯილდოება ტრადიციულად უნივერსიტეტის დაბადების დღეზე იმართება.
უმაღლეს სასწავლებელში გაიხსნა ახალი სივრცეებიც, მათ შორის, კომპიუტერული და საგამოცდო ცენტრები.
უნივერსიტეტის იუბილეზე წარადგინეს “ზარაფხანისა” და ნიუ ვიჟენის ერთობლივი წამოწყება. მათი თანამშრომლობა სულ ცოტა ხნის წინ დაიწყო და კომპანიისთვის განკუთვნილი სივრცეც სიმბოლურად საიუბილეო საღამოზე გაიხსნა.
ნიუ ვიჟენ უნივერსიტეტის ხელმძღვანელები ამბობენ, რომ გასული 11 წელი ძალიან წარმატებული იყო და დასძენენ, რომ სასწავლებელს ყოველწლიურად სულ უფრო მეტი სტუდენტი ემატება.
