საბჭოთა წარსულის კვლევის ლაბორატორია დღეს, 23 სექტემბერს, ილიას სახელმწიფო უნივერსიტეტში ნიკოლაძე-ღამბაშიძეების ოჯახური კოლექციიდან აქამდე სრულიად უცნობ ფოტომასალას გამოფენს.
მინის ნეგატივები, რომლებიც სოვლაბმა ოჯახის ერთ-ერთი შთამომავლისგან შეიძინა, მე-20 საუკუნის დასაწყისის, მათ შორის საქართველოს დამოუკიდებლობის პერიოდის რამდენიმე საკვანძო პოლიტიკურ მოვლენას ასახავს.
ევრონიუს ჯორჯიას ეთერში გამოფენის შესახებ ისტორიკოსმა, „საბჭოთა წარსულის კვლევის ლაბორატორიის“ მკვლევარმა ირაკლი ხვადაგიანმა ისაუბრა.
