კინო და ტელეოპერატორების საერთაშორისო ფესტივალის „ოქროს თვალის“ წლევანდელი დაჯილდოება ბათუმში გაიმართა.
ფესტივალში ქართული ტელევიზიებისა და კინოსტუდიების წარმომადგენლები მონაწილეობდნენ.
საერთაშორისო ფესტივალის „ოქროს თვალის“ მიზანია ტელე და კინო ინდუსტრიაში მომუშავე პროფესიონალების ხელშეწყობა და პროფესიული ზრდა.
დაჯილდოების ცერემონიაზე ოპერატორებს პრიზები სხვადასხვა ნომინაციაში გადაეცათ. საუკეთესო საოპერატორო ნამუშევრების ერთ-ერთ კატეგორიაში კი „ევრონიუს ჯორჯიას“ ოპერატორმა ლევან შერმადინმა გაიმარჯვა.
