საფრანგეთში 200 საშუალო სკოლა მობილური ტელეფონების აკრძალვის ექსპერიმენტს ატარებს. აკრძალვის მიზანია ეკრანთან გატარებული დროის შეზღუდვა და კიბერბულინგის დაძლევა. ე.წ „ციფრული შესვენება“ გულისხმობს სასწავლო პროცესის დროს მობილური ტელეფონების სრულ აკრძალვას.
ეს ინიციატივა ერთნაირად ახარებს როგორც სკოლის თანამშრომლებს, ასევე მოსწავლეებს…
ფაბიენ ლეოქსი, საფრანგეთის ერთ-ერთი სკოლის დირექტორი ამბობს, რომ „ეს ინიციატივა მოსწავლეებს საშუალებას აძლევს, მთელი დღის განმავლობაში ტელეფონების გარეშე იყვნენ და ასწავლის მათ სხვაგვარად ცხოვრებას შესვენების დროსაც კი“.
📵 On arrive au collège, on dépose son téléphone : c’est la nouvelle règle de cette rentrée. Et elle est expérimentée dans plus de 200 établissements.
Nous instaurons une véritable pause numérique, pour le bien-être des élèves. C’est aussi ça le rôle de l’École ! pic.twitter.com/Oc1EgOcI7W
— Nicole Belloubet (@NBelloubet) September 3, 2024
სკოლამ თავისივე ხარჯებით შეიძინა ტელეფონების შესანახი პორტფელები, რომელთა საერთო ღირებულება შეადგენს 300 ევროს.
ნიკოლ ბელუბე, საფრანგეთის განათლების მინისტრი განმარტავს, რომ ფინანსური ხარჯი, რომელიც ამ პროცესს თან ახლავს, ძალიან მოკრძალებულია.
თუ ექსპერიმენტი კარგად ჩაივლის, აკრძალვა გავრცელდება საფრანგეთის ყველა სკოლაზე 2025 წლის იანვრიდან.
