უკრაინის ტერიტორია რუსული რაკეტებითა და დრონებით დაიბომბა. უკრაინის საჰაერო ძალების ინფორმაციით, დაფიქსირებულია საბრძოლო მზადყოფნაში მყოფი 11 რუსული სტრატეგიული ბომბდამშენი, Ту-95МС. ასევე მობილიზებულია ფრთოსანი რაკეტები – „კალიბრებით“ აღჭურვილი საზღვაო ხომალდები.
უკრაინის საჰაერო ძალების ინფორმაციით, კრემლს ირანული დრონების დიდი რაოდენობაც მზადყოფნაში ჰყავს. როგორც კიევი იუწყება, რუსეთის სამიზნეებს წარმოადგენენ – კიევი, ლვივი, ხერსონი, ზაპორიჟიე, დნიპრო, ხარკივი, ოდესა თუ სხვა.
უკრაინის პრემიერ-მინისტრის დენის შმიჰალის განცხადებით, მთავარ სამიზნეს უკრაინის ენერგეტიკული ობიექტები წარმოადგენენ. უკრაინულ მედიაში და სამხედრო ბლოგებზე გავრცელებული ინფორმაციით, კიევის მოსახლეობა თავშესაფრებს აფარებს თავს.
