ამერიკა რუსული აგრესიისგან თავის დასაცავად მხარს უჭერს უკრაინის საზღვრის გასწვრივ ბუფერული ზონის შექმნას.
პენტაგონში აცხადებენ, რომ ბუფერულ ზონაში კურსკის ოლქი იგულისხმება. ასევე, პენტაგონის ინფორმაციით, აშშ-ის თავდაცვის მდივანი, ლოიდ ოსტინი უახლოეს დღეებში დაუკავშირდება უკრაინის თავდაცვის მინისტრს და მხარეები განიხილავენ დეტალებს, ბუფერული ზონის შექმნასთან დაკავშირებით.
Today, I spoke with my Ukrainian 🇺🇦 counterpart @rustem_umerov regarding priority security assistance and Ukraine’s ongoing battlefield operations. The United States remains committed to helping Ukraine defend against Russian aggression.
— Secretary of Defense Lloyd J. Austin III (@SecDef) August 14, 2024
„ვაკვირდებით, უკრაინის მოქმედებებს კურსკში. ჩვენ კვლავ დავეხმარებით უკრაინას, ბრძოლის ველზე არსებული საჭიროებებიდან გამომდინარე. რაც შეეხება კურსკს – ვიცით, რომ პრეზიდენტ ზელენსკის იქ ბუფერული ზონის შექმნა სურს. ვმუშაობთ უკრაინასთან, რათა გამოიკვეთოს, რამდენად არის ეს მათი სტრატეგიის შესაბამისი. თუკი ისინი აპირებენ ბუფერული ზონის შექმნას, ეს ასევე გულისხმობს თავდაცვითი ხაზების შექმნასაც. ეს არის ამ ეტაპზე მთავარი საკითხები და თავდაცვის მდივანი აპირებს, დაუკავშირდეს უმეროვს უახლოეს დღეებში. მნიშვნელოვანია, რომ უკრაინა საუბრობს ოპერაციებზე და უკრაინამ ნამდვილად უნდა ისაუბროს საკუთარ მიზნებსა და ამოცანებზე“, – განაცხადა პენტაგონის პრეს-მდივნის მოადგილე, საბრინა სინგხიმ.
კურსკის ოლქში უკრაინის შეიარაღებული ძალები უკვე მე-17 დღეა სახმელეთო ოპერაციას ატარებენ. ეს ოლქი თითქმის სრულად ევაკუირებულია.
