კალიფორნიასა და სამხრეთ კაროლინაში შესაძლოა, მოსწავლეებს სკოლაში ტელეფონის გამოყენება აეკრძალოთ.
კალიფორნიის გუბერნატორი, გევინ ნიუსომი მიიჩნევს, რომ სკოლის კამპუსის ტერიტორიასა და გაკვეთილების მიმდინარეობისას მოსწავლეები სმარტოფნებს არ უნდა იყენებდნენ.
ამ დროისთვის ეს საკითხი განხილვის პროცესშია და საბოლოო კენჭისყრა სექტემბერში ჩატარდება. ამერიკის შეერთებული შტატების არაერთ სკოლაში მსგავსი კანონი უკვე მოქმედებს, თუმცა მოსწავლეების მშობლები ამ იდეას არ ემხრობიან. მათი თქმით, საჭიროების შემთხვევაში შვილებთან დაკავშირება უჭირთ.
სამხრეთ კაროლინაში ჩატარებული გამოკითხვა აჩვენებს, რომ მასწავლებლების 92 პროცენტი სკოლებში ტელეფონების ნაწილობრივ აკრძალვას ემხრობა.
