მთელ მსოფლიოში გამოვლენილი IT სისტემების შეფერხების გამო არაერთმა ავიაკომპანიამ ფრენების შესრულება ვერ შეძლო. გავრცელებული ცნობებით, სიდნეის აეროპორტში ფრენები შეჩერებულია. ფრენები შეწყვიტა United Airlines-მაც. იგივე პრობლემა იყო ესპანეთისა და იტალიის ყველა აეროპორტში.
ამ ეტაპზე შეფერხების მიზეზი უცნობია, მაგრამ კომპანია „მაიკროსოფტი“ ამბობს, რომ შემარბილებელ ზომებს იღებს. ვარაუდობენ, რომ პრობლემა კიბერუსაფრთხოების კომპანიის, CrowdStrike-ის, პროგრამულ უზრუნველყოფაშია.
We’re investigating an issue impacting users ability to access various Microsoft 365 apps and services. More info posted in the admin center under MO821132 and on https://t.co/W5Y8dAkjMk
— Microsoft 365 Status (@MSFT365Status) July 18, 2024
ამერიკის შეერთებული შტატების სამოქალაქო ავიაციის ადმინისტრაციაში ამბობენ, რომ გლობალური კომუნიკაციის პრობლემების გამო უმსხვილესმა ავიაკომპანიებმა ფრენები შეწყვიტეს.
კიბერინციდენტის გამო შეფერხებაა ლონდონის საფონდო ბირჟაზეც, მსხვილი კომპანიების აქციების ფასმა მნიშვნელოვნად დაიკლო. შეერთებული შტატებისა და კანადის ტერიტორიაზე შეფერხებით მუშაობს სასწრაფო დახმარების ცენტრებიც.
პრობლემამ ხელი შეუშალა სატელევიზიო მაუწყებლობასაც, პირდაპირ ეთერში ვერ გავიდა ბრიტანული საინფორმაციო არხი Sky News.
.@SkyNews have not been able to broadcast live TV this morning, currently telling viewers that we apologise for the interruption. Much of our news report is still available online, and we are working hard to restore all services.
— David Rhodes (@davidgrayrhodes) July 19, 2024
