მსოფლიო ლიდერები კრიტიკულად აფასებენ შეერთებული შტატების ყოფილი პრეზიდენტისა და რესპუბლიკური პარტიის საპრეზიდენტო კანდიდატის დონალდ ტრამპის მკვლელობის მცდელობას. თავდასხმას მრავალი მხარდამჭერი განცხადება მოჰყვა ონლაინსივრცეში.
ევროკომისიის პრეზიდენტმა ურსულა ფონ დერ ლაიენმა და ევროკავშირის საგარეო პოლიტიკის ხელმძღვანელმა ჯოზეფ ბორელმა მკაცრად დაგმეს პოლიტიკური ძალადობა და განაცხადეს, რომ დემოკრატიაში არ არის მსგავსი ინციდენტების ადგილი. თავდასხმას გამოეხმაურნენ იტალიის, საფრანგეთის, უნგრეთისა და უკრაინის ლიდერებიც.
უკრაინის პრეზიდენტის ვოლოდიმირ ზელენსკის შეფასებით, დონალდ ტრამპის მკვლელობის მცდელობა საზარელი დანაშაულია, რომელიც შეიძლება მხოლოდ დაგმო. ეს ყველაფერი კი იმის მანიშნებელია, თუ როგორი სერიოზული გამოწვევების წინაშეა მსოფლიო და ზოგადად დემოკრატია.
I am appalled to learn about the shooting of former U.S. President Donald Trump at his rally in Pennsylvania.
Such violence has no justification and no place anywhere in the world. Never should violence prevail.
I am relieved to learn that Donald Trump is now safe and wish him…
— Volodymyr Zelenskyy / Володимир Зеленський (@ZelenskyyUa) July 14, 2024
რუსეთის მთავრობის სპიკერის თქმით, მკვლელობის მცდელობა ჯო ბაიდენის ადმინისტრაციის მიერ იყო პროვოცირებული. პრეზიდენტობის დემოკრატმა კანდიდატმა კი განაცხადა, რომ ამერიკაში ძალადობის ადგილი არ არის.
