უკრაინის პრეზიდენტი ვოლოდიმირ ზელენსკი მოულოდნელი ვიზიტით საუდის არაბეთში ჩავიდა. ვიზიტის ფარგლებში უკრაინის პრეზიდენტი საუდის არაბეთის პრინც მუჰამედ ბინ სალმან ალ საუდის შეხვდა. მათ უკრაინასა და საუდის არაბეთს შორის ორმხრივი ურთიერთობები განიხილეს.
In Saudi Arabia, I had a meaningful and energetic meeting with His Royal Highness Crown Prince Mohammed bin Salman.
We discussed bilateral relations between Ukraine and Saudi Arabia, noting the good progress on previous agreements and our teams’ effective cooperation. We will… pic.twitter.com/tpP9P6UhE6
— Volodymyr Zelenskyy / Володимир Зеленський (@ZelenskyyUa) June 12, 2024
ვოლოდიმირ ზელენსკიმ საუდის არაბეთის პრინცთან შეხვედრის დროს ისაუბრა უკრაინის სამშვიდობო სამიტისთვის დამუშავებულ კომუნიკეს პროექტზეც. შვეიცარია15-16 ივნისს უმასპინძლებს უკრაინის სამშვიდობო სამიტს.
სამომავლო სამშვიდობო მოლაპარაკებების დროს, რომლებშიც ჩართული უნდა იყოს კონფლიქტის ყველა მხარის წარმომადგენელი, განიხილება როგორც ბირთვულ, ისე სურსათის უსაფრთხოებასა და ჰუმანიტარულ დახმარებასთან დაკავშირებული საკითხები.
მანამდე კი „დიდი შვიდეულის“ ლიდერები იტალიაში დაგეგმილ სამიტს დაესწრებიან, სადაც განიხილავენ აშშ-ის წინადადებას, რომელიც უკრაინისთვის 50 მილიარდი ამერიკული დოლარის კრედიტის გადაცემას ითვალისწინებს. სესხი რუსეთის გაყინული აქტივებიდან მიღებული შემოსავლით დაიფარება.
