15 და 16 ივნისს თბილისში, ექსპო ჯორჯიაში, სპორტული ფესტივალი „სპორტფესტი” გაიმართება. ღონისძიებაზე არაერთ სპორტულ დისციპლინას წარმოადგენენ, მათ შორის: ფეხბურთი, კალათბურთი, გოჯუ რიუ, რაგბი, პადელი, ტექ.ბოლი, მთის სპორტები, ფარიკაობა და სხვა.
„სპორტფესტის” მიზანია, ერთ სივრცეში შეკრიბოს რაც შეიძლება მეტი სპორტული ორგანიზაცია და სპორტით დაინტერესებული ადამიანი. ამ თემაზე ევრონიუს ჯორჯიას ეთერში „სპორტფესტის” ორგანიზატორმა რეზი პეტრიაშვილმა ისაუბრა.
