ახალი ზელანდიის მოქალაქეთა ნაწილმა ახალი კალედონია გუშინ, 21 მაისის, ღამეს დატოვა. ახალი ზელანდიის ქალაქ ოკლენდში მიმავალი კიდევ ერთი თვითმფრინავი ახალ კალედონიას დღეს ტოვებს. ხვალ, 23 მაისს, ახალ კალედონიაში საფრანგეთის პრეზიდენტის, ემანუელ მაკრონის ჩასვლას ელიან.
არეულობა ახალ კალედონიაში 13 მაისს დაიწყო. დაიღუპა 6 ადამიანი, მათ შორის, ორი პოლიციელი. 13 მაისიდან დღემდე შეიარაღებული შეტაკებების, ძარცვისა და ხანძრის გამო დაშავდა ასობით ადამიანი. პროტესტი მოჰყვა საფრანგეთის საკანონმდებლო ორგანოში საკონსტიტუციო ცვლილების განხილვას, რომელიც ახალი კალედონიის ამომრჩეველთა სიებში ცვლილებების შეტანას ითვალისწინებს. ადგილობრივები შიშობენ, რომ ცვლილება პროფრანგი პოლიტიკოსებისთვის იქნება ხელსაყრელი და ახალი კალედონიის მკვიდრი მაცხოვრებლების, კანაკების მარგინალიზებას შეუწყობს ხელს.
