უკრაინის სამხედრო ძალები ხარკივში მშვიდობიან მოსახლეობას ევაკუაციაში ეხმარებიან. ბოლო დღეებია რუსეთის მხრიდან საბრძოლო მოქმედებები ხარკივის ჩრდილოეთ რაიონში გააქტიურდა.
ათასობით მშვიდობიანი მოქალაქე იძულებულია, დატოვოს საცხოვრებელი ადგილი. 2022 წლის სექტემბრიდან, როდესაც უკრაინის შეტევის შემდეგ კრემლი იძულებული გახდა, რუსეთის ტერიტორიაზე სამხედრო ძალა გადაეწია, ფრონტის ამ მონაკვეთზე მხოლოდ საარტილერიო დაბომბვები მიმდინარეობდა – პირდაპირი საბრძოლო შეტაკებების გარეშე.
