საქართველოში ღირსეული ანაზღაურების არარსებობა ერთ-ერთი ყველაზე მწვავე სოციალური პრობლემაა.
კერძო სექტორისთვის მოქმედი ოფიციალური მინიმალური ხელფასი საქართველოში 20 ლარია, რომელიც 1999 წლის შემდეგ არ გადახედილა. პროფკავშირების გაერთიანების წინადადებით, მინიმალური ხელფასი საშუალო ხელფასის არანაკლებ 40%-ის ოდენობით უნდა განისაზღვროს.
ამ ინიციატივას მხარი დაუჭირა პარლამენტის ჯანმრთელობის დაცვისა და სოციალურ საკითხთა კომიტეტმა. რას უნდა ეფუძნებოდეს მინიმალური ხელფასის ოდენობის გამოთვლის მეთოდოლოგია – ამ თემაზე ევრონიუს ჯორჯიას ეთერში სოციალური სამართლიანობის ცენტრის სოციალური პოლიტიკის პროგრამის დირექტორმა, სალომე შუბლაძემ ისაუბრა.
