უკრაინის პრეზიდენტი ვოლოდიმირ ზელენსკი აცხადებს, რომ სახელმწიფოს უშიშროების სამსახური რუსი ოკუპანტების წინააღმდეგ ბრძოლაში ერთ-ერთი საუკეთესო იარაღია. ეს განცხადება უკრაინის შეიარაღებული ძალების მთავარსარდალმა უშიშროების სამსახურის მოსამსახურეთა დაჯილდოებისას გააკეთა.
“ომისას ჩვენი უშიშროების სამსახური მეტად განვითარდა და დღესდღეობით ჩვენი სახელმწიფოს არსენალში ერთ-ერთ ყველაზე ძლიერ იარაღს წარმოადგენს. უშიშროების სამსახური გამოწვევებს შესაბამისად პასუხობს და მტერს სათანადო ზიანს აყენებს. ჩვენი უშიშროების სამსახური რუსეთის ფედერაციის შეიარაღებული ძალების საბრძოლო პოტენციალის დეგრადაციის საუკეთესო საშუალებაა”, – განაცხადა ვოლოდიმირ ზელენსკიმ.
უკრაინის პრეზიდენტმა ხაზი გაუსვა შავ ზღვაში რუსული სამხედრო ფლოტის გემების განადგურებაში უშიშროების სამსახურის მიერ შეტანილ წვლილს.
