“სტოკჰოლმის მშვიდობის საერთაშორისო კვლევის ინსტიტუტის” წარმომადგენელთა მიერ გავრცელებული სტატისტიკის თანახმად, ევროპულმა სახელმწიფოებმა შეიარაღების შესყიდვა გააორმაგეს. გაცილებით უფრო გაიზარდა ახლო აღმოსავლეთისა და აზიის სახელმწიფოების მიერ შეიარაღებისა და ტყვია-წამლის შესყიდვა.
Arms imports by European states were 94% higher in 2019–23 than in 2014–18. The largest importer in Europe was Ukraine🇺🇦.
Explore the interactive map ➡️ https://t.co/73FeERNjS7 pic.twitter.com/4UR6dgUFT4
— SIPRI (@SIPRIorg) March 11, 2024
ამერიკის შეერთებულმა შტატებმა შეიარაღების ექსპორტი 17 პროცენტით გაზარდა, კრემლის მიერ გაყიდული შეიარაღების რაოდენობა კი განახევრებულია. ისტორიაში პირველად კრემლი რიგით მესამეა გლობალური მასშტაბით შეიარაღებისა და ტყვია-წამლის ექსპორტში, მეორე ადგილზე მყოფმა საფრანგეთმა შეიარაღების ექსპორტი გააორმაგა.
საერთაშორისო მასშტაბით შეიარაღების გაყიდვა 3 პროცენტით არის გაზრდილი. მსოფლიოში შეიარაღების ყველაზე დიდი იმპორტიორი ინდოეთია. აფრიკული სახელმწიფოების წილიც განახევრებულია და ეს დიდწილად ალჟირისა და მაროკოს პასიურობით აიხსნება. ისრაელისთვის მიწოდებული შეიარაღების 60 პროცენტი ამერიკულია, 30 კი გერმანული.
