ისრაელის პრემიერ-მინისტრი ბენიამინ ნეთანიაჰუ აცხადებს, რომ „ჰამასის“ წინააღმდეგ სამხედრო ოპერაციებს არ შეწყვეტს. სახელმწიფოს ლიდერის თქმით, ისრაელის თავდაცვის ძალები იმოქმედებენ ქალაქ რაფაჰშიც, ეგვიპტის საზღვართან ახლოს მდებარე დასახლებაში, რომელიც მშვიდობიანი მოსახლეობის ბოლო თავშესაფრად არის ქცეული, ომით დანგრეულ რეგიონში.
„მსურს გარკვევით და მკაფიოდ გითხრათ, რომ ჩვენი შეიარაღებული ძალები „ჰამასის“ ბატალიონებს მოსპობენ ყველგან, მათ შორის ქალაქ რაფაჰშიც. ეს „ჰამასის“ ბოლო ციტადელია. ვინც ჩვენ თავშეკავებისკენ მოგვიწოდებს, მას ჩვენი მარცხი სწყურია. დიახ, საერთაშორისო საზოგადოება ჩვენზე ზეწოლას ახდენს და ამ მზარდი ზეწოლის პირობებში, ჩვენი ერთიანობა უნდა განმტკიცდეს. ვერავინ დაგვაბრალებს „ჰამასის“ ჩადენილ სიმხეცეს ჩვენ. ვინმეს თუ ეჭვი ეპარება, კარგად დააკვირდეს, თუ რა ბედი ეწია მტრის სანგრებს, მათ საკუთარ თავს არნახული ქარტეხილი დაატეხეს”, – განაცხადა ბენიამინ ნეთანიაჰუმ, ისრაელის პრემიერ-მინისტრმა.
As IDF activity continues in Gaza, troops have:
🔺Located a weapons manufacturing facility, terrorist tunnel shafts and command centers used by terrorist organizations.
🔺Eliminated armed terrorists in a military compound containing a launch post.
🔺Identified and eliminated… pic.twitter.com/hln33zg1Bh
— Israel Defense Forces (@IDF) March 7, 2024
რაფაჰში მილიონ ნახევარზე მეტი მშვიდობიანი მოქალაქეა თავმოყრილი. ჩრდილოეთ ღაზაში 300 ათასამდე ადამიანია დარჩენილი და მასობრივი შიმშილის ფონზე მათ ხშირად ცხოველთა საკვების ჭამა უწევთ.
