ამერიკის შეერთებული შტატების სახელმწიფო მდივანი ენტონი ბლინკენი უკვე მეხუთედ ჩავიდა ახლო აღმოსავლეთში. ამჯერად ამერიკელი მაღალჩინოსანი საუდის არაბეთს ეწვია. ენტონი ბლინკენს ორი დიპლომატიური მიზანი აქვს, პირველი სტრატეგიული ხასიათისაა და გულისხმობს, 2023 წლის 7 ოქტომბერს “ჰამასის” ისრაელთან წამოწყებული ომის რეგიონულ კონფლიქტად გადაქცევის თავიდან არიდებას. მიუხედავად ამერიკელი დიპლომატის დიდი მცდელობისა რეგიონული კონფლიქტის საშიშროება უფრო და უფრო იზრდება, იემენში ჰუსიტებთან დაპირისპირებით და ასევე იორდანიაში, სირიასა და ერაყში თეირანის მხარდაჭერილ ძალებთან შეტაკებებით.
🔴This is the Givati Brigade in action as they operated at the “Al-Qadsia” compound, 1 of the main bases where Hamas terrorists trained for October 7, with models simulating entrance gates of Israeli kibbutzim, military bases and IDF armored vehicles.
The base also contained the… pic.twitter.com/ifEq2JPSKj
— Israel Defense Forces (@IDF) February 4, 2024
გასათვალისწინებელია ასევე ლიბანში მოქმედ “ჰეზბოლასა” და ისრაელს შორის არსებული შედარებით მცირე მასშტაბის დაპირისპირებაც. ღაზის სექტორის გარკვეული ტერიტორიიდან ისრაელის არმიის გასვლის შემდეგ “ჰამასის” შენაერთები უკან დაბრუნდნენ. ისრაელის ხელისუფლება კი ომის შეწყვეტაზე ჯერჯერობით უარს აცხადებს. ენტონი ბლინკენის მეხუთე ტურნეს ტაქტიკური მიზანი ისრაელსა და “ჰამასს” შორის ცეცხლის შეწყვეტის შესახებ ახალი შეთანხმების მიღწევაა.
ამერიკელი მაღალჩინოსნის ვიზიტს აფასებს AP–ის ჟურნალისტი ახლო აღმოსავლეთში ჯო ფედერმანი: “ამერიკის შეერთებული შტატების სახელმწიფო დეპარტამენტის მდივანი ახლო აღმოსავლეთში დაბრუნდა, ეს “ჰამასსა” და ისრაელს შორის დაწყებული ომის შემდეგ მისი მეხუთე ვიზიტია რეგიონში. ენტონი ბლინკენი ეწვია საუდის არაბეთს და ის გაემგზავრება ასევე კატარსა და ეგვიპტეში. მისი უპირველესი მიზანი “ჰამასსა” და ისრაელს შორის ცეცხლის შეწყვეტის შესახებ შეთანხმების მიღწევაა. ამავე დროს, ვაშინგტონი ერთგული რჩება მთავარი მიზნისა, რომელიც გულისხმობს რეგიონული ომის დაწყების თავიდან აცილებას. ვაშინგტონში ერთგულნი რჩებიან ორი სახელმწიფოს ჩამოყალიბების პრინციპისა, რომლის თანახმადაც, დასავლეთ სანაპიროსა და ღაზის სექტორში სრულფასოვანი პალესტინის სახელმწიფო უნდა ჩამოყალიბდეს”.
