თბილისში, ახალი საცხოვრებელი უძრავი ქონების ბაზარზე 2023 წლის მეოთხე კვარტალში, 2022 წლის იგივე პერიოდთან შედარებით ბინების ფასები 14.2%-ით, ხოლო კერძო სახლების ღირებულება 8.6%-ით გაიზარდა.
ინფორმაციას საქართველოს სტატისტიკის ეროვნული სამსახური აქვეყნებს. უწყების ცნობით წინა წლის მეოთხე კვარტალში ახალაშენებული საცხოვრებლების სეგმენტში 1მ2-ის მედიანური ღირებულება ყველაზე მაღალი როგორც ბინების, ასევე კერძო სახლების სეგმენტში მთაწმინდაზე, ვაკესა და საბურთალოზე იყო.
რა ვითარებაა უძრავი ქონების ბაზარზე – ამ თემაზე ევრონიუს ჯორჯიას ეთერში საქართველოს უძრავი ქონების ასოციაციის პრეზიდენტმა, ვაჟა მებაღიშვილმა ისაუბრა.
