უახლესი ანგარიშის მიხედვით, რუსეთმა დააზიანა ან გაანადგურა თითქმის ყველა შენობა უკრაინის აღმოსავლეთის ქალაქ ავდიივკაში. ეს რუსეთის გეგმის ნაწილია, რომელიც სამოქალაქო ინფრასტრუქტურის განზრახ გადანადგურებას ისახავს მიზნად.
ბოლო 24 საათის განმავლობაში რუსეთმა უკრაინის ქალაქების მიმართულებით ათეულობით დრონი და ერთი საკრუიზო რაკეტა გაუშვა. ამასთანავე, რუსეთი ცდილობს უკრაინის აღმოსავლეთში სახმელეთო ოპერაცია დაიწყოს. თუმცა მისი წარმატება ნაკლებად სავარაუდოა. უკრაინელ სამხედროებს ჯერჯერობით აქვთ საკმარისი შეიარაღება, მაგრამ შეერთებული შტატების კონგრესის მიერ დაბლოკილი დახმარების გარეშე ვითარება შესაძლოა საგრძნობლად შეიცვალოს.
თეთრი სახლის ეროვნული უშიშროების საბჭოს სპიკერი ჯონ კირბი ამბობს, რომ მიმდინარე თვეს აშშ გეგმავს, უკრაინას დახმარების კიდევ ერთი პაკეტი გადასცეს. თუმცა, როგორც ბატონმა მაკკორდმა კონგრესისთვის წარდგენილ მოხსენებით ბარათში აღნიშნა, როდესაც ეს მოხდება, თეთრ სახლს აღარ ექნება შესაბამისი უფლებამოსილება. ამიტომ აუცილებელია, კონგრესმა მყისიერად იმოქმედოს.
თავის ყოველდღიურ მიმართვაში უკრაინის პრეზიდენტმა ვოლოდიმირ ზელენსკიმ მადლობა გადაუხადა ევროკავშირს რუსეთის წინააღმდეგ სანქციების მეთორმეტე პაკეტის მიღებისთვის. პაკეტი მოიცავს დამატებით შეზღუდვებს ექსპორტსა და იმპორტზე, ხარვეზების აღმოფხვრასა და სანქციების გვერდის ავლის შემთხვევაში შესაბამის რეაგირებას.
This year has proven the importance of long-term support programs.
They not only provide help but also send a clear signal of confident support for Ukraine across the world. We will keep working on them.
I thank every state and leader who has already adopted such policies. pic.twitter.com/LcB7IhhHZD
— Volodymyr Zelenskyy / Володимир Зеленський (@ZelenskyyUa) December 18, 2023
რუსეთის თავდაცვის სამინისტრო კი თავისი არტილერიის ბრძოლის ამსახველ კადრებს ავრცელებს. ბოლო რამდენიმე თვეა, ფრონტის ხაზზე ვერც ერთი მხარე ვერ აღწევს მნიშვნელოვან პროგრესს.
