ისრაელსა და “ჰამასს” შორის სრულმასშტაბიანი სამხედრო მოქმედებები განახლდა, ეს ნიშნავს, რომ განახლდა უდანაშაულო ადამიანების, მათ შორის არასრულწლოვანების დაღუპვა. შეტაკება და სამხედრო მოქმედებები ღაზის სექტორის ყველა მიდამოში მიმდინარეობს, ისრაელის თავდაცვის ძალების ახალი სამიზნე ღაზის სექტორის სამხრეთ ნაწილში მდებარე ქალაქი ხან იუნისია, სადაც ისრაელის სადაზვერვო სამსახურის წარმომადგენელთა განცხადებით, ორგანიზაცია “ჰამასის” მეთაურობა არის განთავსებული.
ისრაელის თავდაცვის ძალები ღაზის სექტორში იბრძვიან.
In IDF operations in Gaza, approx. 200 Hamas terrorist targets have been struck:
🔺Troops struck terrorist infrastructure located inside a school and found 2 tunnel shafts, including a booby-trapped one, explosives and additional weapons.
🔺 An IAF aircraft struck vehicles… pic.twitter.com/BJayrQYiEN
— Israel Defense Forces (@IDF) December 4, 2023
სამხედრო ოპერაციის მთავარი მიზანი ამ ეტაპზე “ჰამასის” კუთვნილი საიდუმლო გვირაბების განადგურებაა.
ისრაელის არმიის წარმომადგენელთა განცხადებით, “ჰამასს” დაახლოებით 800-ამდე გვირაბი აქვს სექტორის მასშტაბით გათხრილი, მათგან კი 500-ამდე უკვე განადგურებულია.
“ჰამასის” მეთაურობის ბრძანებით გვირაბები სკოლებისა და საბავშვო ბაღების შენობების ქვეშ არის გაყვანილი, ამ გვირაბებში კი დიდი რაოდენობით შეიარაღება და ტყვია-წამალი ინახება.
სამხედრო მოქმედებები ახლა ღაზის სექტორის მთლიან ტერიტორიაზეა გაშლილი.
ისრაელის არმია მოუწოდებს მოსახლეობას ღაზის სექტორის სიდიდით მეორე ქალაქის, ხან იუნისის, დატოვებისკენ. სამხედრო-საჰაერო კამპანია გრძელდება ღაზის სექტორის ჩრდილოეთ ნაწილშიც.
სამხედრო მოქმედებების ფონზე დიპლომატიური პროცესიც ვითარდება. როგორც ისრაელის, ასევე “ჰამასის” წარმომადგენლები დროებითი ზავის შეწყვეტაში ერთმანეთს სდებენ ბრალს.
ციპი ჰოთოველი, ისრაელის ელჩი გაერთიანებულ სამეფოში: “”ჰამასმა” დროებითი ზავი დაარღვია. “ჰამასის” ტყვეობაში ქალები და არასრულწლოვანები იმყოფებიან, საერთო ჯამში “ჰამასის” ტყვეობაში ჩვენი 100-ზე მეტი მოქალაქე რჩება, “ჰამასმა” ჩვენს ქალაქებს ცეცხლი გაუხსნა, ეს ომი მანამ გაგრძელდება, სანამ “ჰამასი” არ განადგურდება”.
ოსამა ჰამდანი, ლიბანში “ჰამასის” წარმომადგენელი: “ოკუპანტები განაგრძობენ ჩვენს მშვიდობიან მოსახლეობაზე თავდასხმას, ვადასტურებთ დროებითი ზავის გახანგრძლივების სურვილს, მაგრამ მეორე მხარე ამ დისკუსიაში მონაწილეობის მიღებაზე ჯერჯერობით უარს აცხადებს”.
In Gaza, an overwhelming majority of the population is in dire need of food assistance.@WFP warns of a serious risk of famine & starvation, and reiterates the importance of guaranteeing safe and unimpeded humanitarian access. https://t.co/5nBlpmRa1Y pic.twitter.com/THAP5TPLRi
— United Nations (@UN) December 4, 2023
საბრძოლო მოქმედებების არეალის გაფართოება ღაზის სექტორში ჰუმანიტარულ ვითარებას ართულებს. ამ ეტაპზე კონფლიქტის შედეგად ორივე მხარეს 15 ათასზე მეტი ადამიანია დაღუპული.
