კვირას, 5 ნოემბერს ამერიკის შეერთებული შტატების სახელმწიფო მდივანი ენტონი ბლინკენი მოულოდნელი ვიზიტით ერაყს ეწვია. რეგიონულ პარტნიორებთან შეხვედრის მიზანი ღაზაში ჰუმანიტარული პაუზის მიღწევაა.
In Iraq, I met with Prime Minister @MohamedShia to underscore that we must prevent the conflict from spreading. I urged him to hold accountable those responsible for attacks on U.S. personnel in Iraq and discussed our work to deliver humanitarian assistance to civilians in Gaza. pic.twitter.com/HthTWR1m5o
— Secretary Antony Blinken (@SecBlinken) November 5, 2023
აშშ-ის სახელმწიფო მდივნის ენტონი ბლინკენის თქმით, ამერიკული მხარე ბევრს მუშაობს, რათა თავიდან აიცილონ ღაზის კონფლიქტის ესკალაცია და, არ გავრცელდეს ეს კონფლიქტი სხვა ადგილებში. ისინი ჰუმანიტარული პაუზის მიღწევას ცდილობენ, რაც, ბლინკენის აზრით, ხელს შეუწყობს მძევლების დაბრუნების პერსპექტივას და იმ პრობლემების მოგვარებას, რომლებზეც ისინი მუშაობენ.
მანამდე ენტონი ბლინკენმა რამალაში გამართა მოლაპარაკება პალესტინის პრეზიდენტ მაჰმუდ აბასთან. ამერიკელ დიპლომატს მიაჩნია, რომ აბასს შეუძლია, მნიშვნელოვანი როლი შეასრულოს ღაზაში „ჰამასის“ შემდეგ მოსული ნებისმიერი მთავრობის საქმიანობაში.
![](https://euronewsgeorgia.com/wp-content/uploads/2023/11/Capture-24.jpg)
აბასმა განაცხადა, რომ ღაზაში, რომელსაც „ჰამასი“ 2007 წლიდან აკონტროლებს, პალესტინის ხელისუფლება ძალაუფლებას მხოლოდ ისრაელ-პალესტინის კონფლიქტის ყოვლისმომცველი პოლიტიკური გადაწყვეტილების ფარგლებში აიღებს.
კვირას ბლინკენი თურქეთში მოლაპარაკებისთვის ჩავიდა
შეერთებული შტატები შექმნილი ვითარებიდან გამოსავლის მოძიებას ცდილობს. ისრაელი აცხადებს, რომ პაუზაზე მანამდე არ დათანხმდება, სანამ მძევლების გათავისუფლების კუთხით პროგრესს არ მიაღწევს. ამავდროულად, რეგიონის ლიდერები ცეცხლის დაუყოვნებლივ შეწყვეტას მოითხოვენ.