მას შემდეგ, რაც ისრაელს ტერორისტული დაჯგუფება „ჰამასი“ თავს დაესხა, ისრაელის ქალაქ სდეროთიდან, სადაც დაახლოებით 30 000 ადამიანი ცხოვრობდა, მოსახლეობის უმეტესობა შედარებით უსაფრთხო ადგილას გადავიდა. ქალაქი ახლა თითქმის დაცარიელებულია. აქ მხოლოდ დრონების, სამხედრო თვითმფრინავებისა და ნაღმმტყორცნების ხმა ისმის. თუმცა არიან ისინიც, ვინც მშობლიურ ქალაქში დარჩენა გადაწყვიტა და უწინდებურად აგრძელებენ ცხოვრებას. ევრონიუსის ჟურნალისტი ვალერი გორია სდეროთში იმყოფება. ის ადგილობრივ მოსახლეობას ესაუბრა.
