კევინ მაკკარტის წინააღმდეგ კამპანია რესპუბლიკელმა მეტ გეტცმა დაიწყო. მის ინიციატივას მხარი 216-მა კონგრესმენმა, მათ შორის 8 რესპუბლიკელმა დაუჭირა. წინააღმდეგი იყო 210.
კევინ მაკკარტისა და რესპუბლიკური პარტიის წარმომადგენლებს შორის პოლიტიკური დაპირისპირება მას შემდეგ გამწვავდა, რაც კევინ მაკკარტიმ როგორც დემოკრატების, ასევე რესპუბლიკელების ხმები უზრუნველყო წარმომადგენელთა პალატის მიერ აშშ-ის დროებითი ბიუჯეტის დასამტკიცებლად და, შედეგად, ქვეყანამ თავიდან აიცილა 1 ოქტომბრიდან სახელმწიფო დაწესებულებების ფუნქციონირების შეწყვეტა.
მაკკარტი წარმომადგენელთა პალატის ისტორიაში შევიდა პირველ სპიკერად, რომლის ასარჩევად 2023 წლის იანვარში 15 კენჭისყრა გახდა საჭირო.
9 თვის შემდეგ კი კევინ მაკკარტი კონგრესის ქვედა პალატის ისტორიაში გახდა პირველი, ვინც სპიკერის თანამდებობიდან გადააყენეს. ყოფილი სპიკერი კენჭისყრაში მონაწილეობას არ აპირებს.
