2019 წელს ევროკავშირი საბოლოოდ შეთანხმდა, რომ კლიმატის ცვლილების ეპოქაში გარემოზე ზრუნვა ევროპის ერთ-ერთი მთავარი პრიორიტეტია. შედგა ევროპის მწვანე შეთანხმება, რომელიც ბევრი მნიშვნელოვანი ცვლილებისა და გარდაქმნის საჭიროებას მოიცავს. კლიმატის ცვლილებასთან ბრძოლის წესებმა კი შესაძლოა საგრძნობლად შეცვალოს ადამიანების ცხოვრების წესი, საქმიანობის სფერო, პროფესია, შემოსავალი თუ ბევრი სხვა რამ.
საქართველოს ჯერ არ აკისრია გარემოს დასაცავად მიღწეული ევროპის ყველაზე მნიშვნელოვანი შეთანხმების სრულად შესრულება. რადგან ქვეყანა არ არის ევროკავშირის წევრი. მაგრამ რადგან საქართველოს მოქალაქეების მისწრაფება ევროკავშირის წევრობაა, ეს წესები და რეგულაციები საქართველოსაც შეეხება.
