ქართველი გიდები სახელმწიფოსგან ითხოვენ, რომ მათ საქმიანობასთან დაკავშირებით გარკვეული რეგულაციები დაწესდეს. მათი თქმით, აუცილებელია, რომ საქართველოში დასაქმებულმა გიდებმა იცოდნენ სახელმწიფო ენა და ტურისტებს სათანადოდ გააცნონ საქართველოს ისტორია და დღევანდელობა, მათ შორის ოკუპაციის საკითხები.
„ევრონიუს ჯორჯიას“ ეთერში ამ საკითხზე გიდების ასოციაციის აღმასრულებელმა დირექტორმა ირინა ივანიძემ ისაუბრა.
