მომღერალ ელვის პრესლის ერთადერთი ქალიშვილი ლიზა მარი პრესლი 54 წლის ასაკში გარდაიცვალა.
მომღერალი ხუთშაბათს სასწრაფოდ გადაიყვანეს საავადმყოფოში, თუმცა მისი გადარჩენა ვერ შეძლეს.
როგორც ლიზა მარი პრესლის დედამ განაცხადა, მის შვილს გული გაუჩერდა. მომღერალს სამი ალბომი აქვს გამოშვებული.
ვარსკვლავი ასევე ცნობილი იყო მაიკლ ჯეკსონთან და ნიკოლას კეიჯთან გახმაურებული ქორწინებებით. ის რამდენიმე დღის წინ ბევერი-ჰილსში გამართულ ოქროს გლობუსის დაჯილდოებას დაესწრო.
