კვირას უკრაინამ ზაპორიჟიის ატომური ელექტროსადგურის ბოლო მოქმედი რეაქტორი გამორთო.
ამ ნაბიჯის გადადგმას კვირების განმავლობაში ითხოვდნენ შეერთებული შტატები და ატომური ენერგიის საერთაშორისო სააგენტო. რეაქტორის ბირთვზე მიტანილმა იერიშმა შეიძლება გამოიწვიოს ავარია, თუმცა რისკი მნიშვნელოვნად შემცირდება, თუ სადგური არ იმუშავებს. ელექტროსადგურს კვლავ რუსი ჯარისკაცები აკონტროლებენ.
7 სექტემბერს უკრაინის ხელისუფლებამ მოუწოდა ელექტროსადგურის მახლობლად მცხოვრებ მოსახლეობას უსაფრთხოების მიზნით ტერიტორია დაეტოვებინათ გაეროს გენერალურმა მდივანმა ანტონიუ გუტერეშმა რუსეთისა და უკრაინის ძალებს მოუწოდა, სასწრაფოდ მიაღწიონ შეთანხმებას და ელექტროსადგურის პერიმეტრზე დემილიტარიზებული ზონა შექმნან.