ომის დაწყებიდან დღემდე საქართველოსკენ ბევრი უკრაინელი მოემართება. ჩამოდიან ქალები, ბავშვებთან და მოხუცებთან ერთად. მოდიან სამშობლოდან შორს, სადაც არ ისმის აფეთქების ხმა, თუმცა ამ ქალებისთვის, რომელთაც ოჯახის წევრების გადარჩენის პასუხისმგებლობა აკისრიათ, სამშობლოს დატოვების შემდეგ ახალი ომი იწყება – ეს არის ბრძოლა უსაფრთხო საცხოვრებლის მოპოვებისთვის. საქართველოში არსებობს კანონი და შესაბამისი პროცედურები ლტოლვილის სტატუსისა და თავშესაფრის მოსაპოვებლად. ამ პროცედურებს განგვიმარტავს – გიორგი ანთაძე, საქართველოს ახალგაზრდა იურისტთა ასოციაციის წარმომადგენელი.
Search
